連詩雅（Shiga）的新歌《等到Sunday就Call你》日前派台，新作鼓勵女生主動表白，早前更到洛杉磯拍攝MV，準備了三個行李箱的衣服兼廿幾對高踭鞋，她說：「同事見到咁多衫都話會唔會太多，但係我覺得去外地拍攝，寧願準備多少少，不過拎嘅時候真係幾辛苦。」Shiga亦笑言：「喺街頭見到好多好型又靚仔嘅外籍男仔，唔記得咗要攰。」