寫真集文化喺日本已有幾十年歷史，而寫真即係相片嘅日本漢子寫法，每本寫真集都輯錄大量圖片，雖然風景、動物、植物影集都歸類入寫真集之列，不過近年一提起寫真集，大家總與水着或者內衣上陣嘅性感靚相扯上關係。寫真集喺亞洲區越見市場價值，其實都係拜日本女星所錫，當中以宮澤理惠多年前嘅《Santa Fe》最為經典，由攝影大師篠山紀信操刀拍攝出初熟少女嘅完美體態，當時不知幾好肉地嘅宮澤理惠更三點盡露，簡直係一脫成名，迷倒亞洲各地男士。
日本寫真集除了當紅女星、青春偶像作賣點外，市場需要下更有不同主題嘅影集上市，找來模特兒或者素人當實體主角，當中不乏以裸露或藝術掛帥，多年來的大師級攝影師計有荒木經惟及篠山紀信等，而十多年前當地便掀起一片水着熱潮，造就小池榮子、MEGUMI一眾標榜巨乳嘅水着女星紛紛冒起，如同幾年前香港嘅o靚模熱一樣。到近年，當紅女團AKB48雄霸寫真界，隊中個個青春可人嘅成員慷慨露肉，過去三年可算係壟斷整個寫真市場。
經典寫真集
山口百惠《百惠》（1980年）
攝影師：篠山紀信
山口百惠絕對係日本傳奇女星，當年急流勇退前就拍下激罕性感寫真。山口百惠從70年代起紅爆藝能界，當佢決定下嫁三浦友和就一心退出幕前，仲由當年已經係大師級嘅篠山紀信操刀，拍攝惹火比堅尼寫真集，其終極性感更成為經典，同時又以影像化推出節目同埋錄影帶。
宮澤理惠《Santa Fe》（1991年）
攝影師：篠山紀信
91年只得18歲嘅宮澤理惠已經係上位偶像，當時佢忽然宣佈推出全裸寫真集《Santa Fe》，由於拍攝時宮澤僅17歲，繼而令呢本作品更加矚目以及具爭議性。《Santa Fe》累積銷量多達155萬本，係史上最暢銷寫真集，到依家都未有人打破呢個紀錄。
酒井法子《fizz》（1997年）
攝影師：井之元浩二
酒井法子曾經係亞洲觀眾嘅頭號女神，尤其90年代靠經典日劇《同一屋簷下》、《星之金幣》系列迷盡劇迷，連帶一度成為當年嘅寫真集女王。酒井喺事業高峰嘅90年代期間，推出過10本寫真集，以《fizz》作為告別作，當中唔少靚相更被製成YES卡成大家嘅童年回憶。
菅野美穗《NUDITY》（1997年）
攝影師：宮澤正明
嫁咗畀堺雅人嘅菅野美穗，於20歲時忽然宣佈推出露毛寫真集《NUDITY》。由於菅野出道時形象超清純，事前亦有做脫星嘅先兆，所以當年呢本寫真集都帶來頗大迴響，結果大賣80萬本。有指菅野係為父還債而決定全裸，當年佢開記者會就曾當眾落淚，成為一時佳話。
藤原紀香《NORIKA》（1999年）
攝影師：大澤尚芳
數到性感尤物，當然唔少得藤原紀香。選美出身嘅紀香姐可謂美貌與身材並重，走紅時即獲出版社睇中，推出首本寫真集《NORIKA》即轟動亞洲，當中佢浸在水中嘅雙手托胸甫士，到咗今時今日都係經典。
綾瀨遙《HEROINE》（2004年）
攝影師：齊本弘吉
綾瀨遙可算是當今日本最紅嘅女星，佢未紅時曾拍下唔少水着寫真，由於佢近年昔肉如金，令佢呢本慷慨露肉嘅舊作《HEROINE》即炒價急升，至今仍有市有價。呢本寫真集，綾瀨遙以多款比堅尼晒其F Cup巨乳，當年已冧盡廣大麻甩仔。
小嶋陽菜《怎麼辦》（2015年）
攝影師：中村和孝
日本組合AKB48成員小嶋陽菜今年3月推出全新寫真集《怎麼辦》，佢谷胸兼着住T-Back晒股，雖然惹來唔少批評聲音，鬧爆佢呢輯照片太過色情，但銷量就非常理想，總銷量接近10萬本，算係近年寫真集嘅代表作。