港超聯新軍夢想駿其噚日開操，而主席羅文輝主持完拜神儀式後就話，球隊以老帶新初上港超聯，除要保住席位，最希望係隊內班年輕球員可以上位，所以佢哋最緊要裝備好，隨時落場。「夢駿」今季班費預算係700萬元左右，除獲東方借出姚浩明、謝朗軒、黃梓浩、李嘉華同麥保美等，仲有新狂牛中堅柏保路，至於教練就係上季再掛靴嘅前港腳梁志榮拍朱兆基，而後者話今季照樣落場。