759阿信屋為咗慶祝5歲大，前排經已出過一系列折扣優惠，掀起咗搶購熱潮，佢哋原本打算喺今個月11號同埋12號推出終極「777」折，即係正價、街坊價同埋公價貨一律7折，但因為颱風「蓮花」而順延至今明兩日。今次佢哋將減價行動升級，正價同街坊價貨6折、公價貨8折、熱賣價嘅貨就9折（圖）。
有網民一睇到阿信屋呢次推出嘅優惠就笑言，「香港終於有『689節』」，更加有網民相信，阿信屋係回應緊網民嘅建議，先推出今次「689折」。雖然阿信屋今次嘅優惠，未必真係同689有關，可能只係網民穿鑿附會，不過能夠再度引起網民討論，阿信屋總算成功吸睛。