近日羅霖忙為寫真宣傳，亦不忙做好媽媽，前晚就帶9歲孻仔劉子晉（Jonathan）去會展行書展，共花了800多元買書籍給囝囝。單身的羅霖雖然工作忙，陪伴三個兒子都着重quality time，培養他們的閱讀習慣，她笑言：「大仔最愛英國文學，我中學都讀過莎士比亞，會同佢交流到。細仔3歲開始已經同囝囝講bed time story，𠵱家大個咗都仲有，不過我哋就DIY角色，喺度創作講古仔。」羅霖表示Jonathan愛看漫畫：「佢好鍾意睇漫畫，好似龍珠卡通，佢對恐龍好有興趣，不過我都要佢睇我想佢睇嘅書。細仔好乖唔會亂咁要我買嘢，我買嘢畀佢都要獎賞制，價錢越高，佢越多100分要還，咁大個公仔，要攞6次100分。」羅霖透露Jonathan現讀英文學校：「我要佢睇多啲文字嘅書，尤其睇中文書，例如成語古仔，幫佢補吓中文。」
囝囝視超級英雄
訪問中，Jonathan更與羅霖玩讀書扮演角色，她表示：「佢細個成日要我扮狼，但佢又覺得我喺小說中嘅Cinderella（灰姑娘），可能我成日要出去做嘢，有時好夜先返到屋企。」Jonathan最愛媽媽扮演super hero，更點名將她成為Vision（幻視）一角，連羅霖也不禁笑言：「係男仔嚟，無所謂，夠powerful。」羅霖今年出性感寫真，會否接受三個兒子睇寫真？她表示不會抗拒：「𠵱家佢哋都會睇模特兒相，大仔鍾意亞洲人、二仔鍾意混血兒。」
