有咪神之稱的徐淑敏（Suki）做了人妻後，由咪神轉做索媽，雖然已經是三女之母，不過依然keep得好好。昨日Suki在九龍塘出席一個嬰幼兒游泳課程的啟動儀式，事前大會發通告，聲稱Suki將會以泳裝上陣，兼且會與一個男孩寶寶下水，結果Suki當然沒有穿三點式泳衣，只穿上吊帶背心加短褲的泳衣，手抱一個9個月大的小朋友試水。
近日有美魔女之稱的羅霖出版寫真，外間反應不俗，問到Suki會否考慮效法出版寫真？Suki說：「我希望自己到嗰個年紀，都keep住咁靚，到時可能會影寫真，但就唔會出版，留番畀自己睇，但係我𠵱家30歲咋，尺度都好似咁低，到50歲時唔知會點喇。」問Suki為何不趁目前狀態好而影寫真？她笑說：「唔同㗎，因為生咗嘛，冇你哋睇落咁瘦，都冇以前咁fit。」
「游水都笠多件tee」
Suki亦表示今次活動前特意叫老公黃浩過目，她說：「回想番之前喺公開場合着泳衣，都大約係七年前，選美後都做過內衣騷同泳衣騷，生BB後就冇再着泳衣，自己變得保守，呢個係我最大嘅轉變。」不過Suki否認擔心女兒將來看見有影響，她說：「純粹係自己唔習慣，平時家庭相OK，因為唔係對住公眾，但自己有時游水都笠多件tee喺面。」
至於老公對她再着泳衣的反應，Suki笑說：「老公叫我條褲拉低啲，唔好見到咁多pat pat。」她亦透露下月會與老公二人世界去旅行，問到是否全力追仔？她即耍手擰頭：「唔會咁快追仔住，要遲啲先。」
採訪：卓寶花
攝影：陳慧安
