尼泊爾大地震發生近3個月，長跑好手洪盛興仲好關心。佢先後完成智利阿塔卡馬沙漠、埃及撒哈拉沙漠、新疆戈壁沙漠同南極洲嘅超級馬拉松，全港暫時得3個人完成呢4個極地賽事。本月22日佢又會去厄瓜多爾接受新挑戰，冒住高山反應嘅危險，用7日時間完成250公里超級馬拉松，盼為施達基金會籌募50萬元幫助尼泊爾災民。
年過40嘅洪盛興出身基層，大學時曾患上抑鬱症5年，最終靠信仰同運動克服。佢去過尼泊爾4次做社區服務，深感當地貧困苦況，所以今次挑戰極地，希望幫到當地遍遠山區災民。義工Tang一直參與救援工作，佢話賑災已經進入第二階段，要重建社區、學校及心理輔導等，希望港人續施援手。有關今次極地馬拉松籌款可瀏覽基金會網頁： http://cedarfund.org