神劇《大時代》雖然播完但大佬孝邵仲衡的人氣未減，早前他被網民選為「網民最想變攣男藝人」季軍，只是輸給冠軍謝霆鋒及亞軍彭于晏。日前他接受now TV電視節目《攣直後援會2》梁梓禧（Roland）及茜利妹兩位主持頒獎，邵仲衡表示會向太太及兩個兒子晒命。
茜利妹問邵仲衡假如囝囝帶男朋友回家會有何反應，他說：「無論係直係攣我都會尊重，鍾意女人同男人冇分別，最緊要係人品好，佢哋活得開心。」他表示曾經打過一名男同志老闆工，大讚對方細心又負責。他透露已準備好飾演同志角色：「好open，只要劇本好、角色好甚至全裸都可以，但事前都會知會老婆同兩個仔，要畀個心理準備佢哋。」
撰文：李森