【香港書展2O15之為港爭光】羅霖越成熟越展美魔女魅力，以年過半百之齡殺入書展出寫真而成為焦點，更威到衝出國際！昨日英國《每日郵報》網上版報道有關羅霖出寫真，大字標題讚她「你絕對不會相信這位三子之母是50歲！超美模特兒出寫真後生幾十年，展示零皺紋皮膚及Fit爆body」。
羅霖昨日在電話中笑言更有動力：「好榮幸，一本寫真可以衝出亞洲，噚日先有日本綜藝電視台訪問，為亞洲女士爭光，真係好開心。外國人係早熟啲，好似我去年陪大仔去英國搞大學入學，佢哋猛話我係阿仔嘅女朋友、家姐，話『I can't believe it！』𠵱家我知道呢個報道，我都要講『I don't believe it！』」
自認飯桶唔節食
提到keep fit心得，羅霖就表示保濕不容忽視，雖已誕下三子，體重依然睇得好緊：「我未拍寫真之前大概108磅，寫真𠴱時就98磅，𠵱家重番就104磅。」她表示不會節食：「我係飯桶，今日先食完西多士，我覺得係少食多餐，等個胃唔會撐到咁大。好多朋友成日問我，生咗三個冇肚紋？個肚又脹又縮都冇肚紋，我自己一有咗就搽定防妊娠紋油。」
採訪：梁錦雯
