導演阮世生原本構思的故事只是一部小成本、發生在西環一幢舊樓的電影，因為合拍片所賜，令電影跳到法國巴黎這個浪漫大都會，他說：「原本係想講一幢被遺忘的舊樓，一群被遺棄的人所發生嘅古仔。因為要變成合拍片，舞台轉咗去巴黎。」
阮世生表示因香港的西環本土味太濃，上海又難有共鳴，最後演變成《巴黎假期》。他說現在合拍片一般都只賣三種電影：「一係打片好似《殺破狼II》，唔係就係《西遊記》呢類古裝同埋開槍片，好似《巴黎假期》呢類文片比較考人睇。彭浩翔套《春嬌與志明》收7,000萬人仔，到《撒嬌女人最好命》全內地班底收2億人仔，去到盡就要投向祖國懷抱。」阮世生始終不想放棄香港市場，所以希望行遠點拍攝以彌補不足，前年他跟太太作了人生首巴黎之旅，他說：「去咗七日影咗好多相，不停搜集資料，做嘢多過玩。」