立法會因為特首梁振英要硬闖創科局撥款，仲死唔斷氣開緊財委會，但自由黨榮譽主席田北俊卻無CY咁好氣，一早飛咗去夏威夷度假，唔會無厘頭要幫CY死頂泛民拉布！
田少日前仲喺facebook貼咗張着短褲食ribs嘅相，證明自己放緊假不知幾咁happy，佢仲好風騷咁繼續抽建制派洩密事件嘅水，寫道：「傳聞話有隻洩密鬼鍾意着短褲，咁相中着住短褲食Spare ribs嘅我埋（咪）好可疑？哈哈哈。」
而盛傳嘅「短褲」嫌疑犯謝偉俊，噚日着住短褲現身立法會。八方問佢咁着怕唔怕？佢反問：「怕乜嘢？」仲笑指自己「勝在腳毛多」。識得講笑，應該冇嘢嘞啩！