趙雅芝同囝囝黃愷傑噚日喺上水為仁濟醫院派發福袋畀長者，佢有份演出嗰套電視劇《風雲天地》收視麻麻，仲有人覺得佢喺劇中嘅皮膚特別美白，似加咗特別效果，對此佢話：「我同經理人初初傾呢部戲，覺得燈光好緊要，可能製作方知道有咁嘅提出，之後加咗啲（效果），都係睇個劇先知，今次係經驗，要溝通多啲。」