音樂人趙增熹將會跟日本殿堂級組合安全地帶主音玉置浩二，夥拍香港城市管弦樂團crossover，在今年11月於機場博覽館舉行演唱會。早前趙增熹專誠飛到日本欣賞玉置跟東京交響樂團的表演，他昨日接受電話訪問時說：「今年6月專誠飛咗過去睇，可以用犀利嚟形容。
演唱會之後去咗後台同玉置先生見面，當面仲送咗隻早年同陳潔儀演唱會嘅CD畀佢。」趙增熹表示小時就聽安全地帶的歌長大，他說：「佢好多嘅歌四大天王、李克勤都改編過，好似《酒紅色的心》、《月半彎》。今次可以與偶像同台幫佢做指揮當然好期待。」趙增熹透露暫定演出一場，假如反應熱烈有機會加開多一場。
採訪：何永寧