2013年12月25日，前無綫主播——Tigger仔談美琪BB，同nowTV首席記者李國豪結婚大日子，至今年3月，談美棋BB離開無綫新聞部，有指佢係去聯合醫院擔任傳訊經理，接替曾任亞視記者嘅姚健文之職。
11日前，美琪BB神神秘秘咁，由Tigger仔做發言人，話有嘢要宣佈。究竟美琪BB有乜嘢宣佈呢？昨日，佢終於宣佈喇：「開估喇！我啲微博朋友仔都算好聰明，估到我有喜事分享。呵呵～同大家介紹下*登登登登*貨真價實的美琪BBs！」
美琪BBs？點解有個‘s’？美琪BB解釋啦:「無錯，BBsssss，因為唔止一個，係有兩個呀～～ Tigger仔都好期待同兩個細佬見面，仲特登買咗個Tigger仔奶嘴俾佢哋呀！」
嘩！恭喜晒！期待Tigger仔兩個細佬佬同大家見面呀！恭喜恭喜！