半百羅霖昨日以一襲低胸裝亮相灣仔書展，她受訪時稱心情興奮，因為越洋收到鄭秀文（Sammi）的祝賀：「好開心佢話我本寫真好靚，可塑性高同讚我keep得好。」另外羅霖又收到出版社通知，寫真集已印到第3版。
對於李嘉欣亦大讚羅霖的寫真時，她說：「嘉欣係我好好嘅朋友，佢仲靚仲瘦，如果佢70歲出寫真，我支持買10本。佢唔止係美魔女，仲係大美人。」對於有指羅霖寫真封面的婚紗照是「山寨版」，她說：「我投放咗6位數字喺衫度，封面晚裝係起用27歲嘅香港設計師，好多婚紗、晚裝設計大同小異，但唔係好大件事，我唔介意攞少少人哋靈感再自己設計。」羅霖還提議各人到書展看真人，便知寫真有沒有執相。