向來同立法會政治記者friend過夾band嘅公民黨議員湯家驊Ronny臨別在即，噚日下晝一班記者同佢助理，特別為Ronny帶來意外驚喜，將原來邀請Ronny受訪嘅邀請變成神秘歡送會。
一向鍾意講笑嘅Ronny，見到有佢肖像公仔企喺立法會大樓嘅蛋糕，即刻搞笑問：「係咪如果我唔辭職，就唔會有呢啲嘢？」佢話記者真係令到佢好感動，其間差啲又喊咗。當記者送上黑色嘅高爾夫球手套作送別禮物時，湯狀大讚記者好叻，因為佢雙手好細，經常都搵唔到合適嘅size。湯大狀之後就徇眾要求，幫記者喺佢2008年出版嘅著作《從哪裏來，往何處去？》簽名留念，唔少行家都讚湯狀任內回覆記者電話查詢相當迅速，湯狀就話離開議會後，會繼續做「傳媒之友」。