每年外遊已成Jessica的「任務」，自小朋友1歲開始，Jessica已帶他們周遊列國，她說：「喺香港生活模式好死板，去旅行，佢哋嘅自理能力又會提高，可以同其他國家嘅小朋友交流吓，大家都好開心。佢哋1歲開始已經帶佢哋去旅行，每年暑假都盡量去一次，呢個係自己一個task。」已經去過世界不少地方，她說現在會以日本為主：「爸爸以日本市場起家，我哋都特別鍾情，嗰度所有嘢都啱，食嘢又啱，治安又好，自己都好鍾意去旅行，但𠵱家都係以小朋友為主。」
建立友誼無分國籍
提到難忘的旅程，Jessica說：「上年去迪士尼號相信係我最難忘嘅經歷，船上面有個流動電話，畀我哋一家人喺船上面聯絡，我個仔太開心，自己去玩，之後約咗個時間喺戲院門口等，佢兩點九已經坐喺度等我，我見到感覺好sweet，突然間好似大個仔咁。而船上面小朋友都可以學到禮儀，喺屋企唔會學到，加上有好多世界各地嘅小朋友，一齊玩，係一個好好經歷。」她更透露囝囝臨落船前，為了要跟剛認識的朋友分開而鬱鬱不歡，非常得意。