昨日明明係書展開鑼，唔知點解好似變咗梁齊昕's day咁，因為佢真係太爆……。喺佢幫陳偉成(Avis)佢哋四條仔谷完晒肌運動書之後，梁小姐真係落咗去睇書喇。
當佢行到去其中一個出版社，見到好友徐淑敏本作品，即拎起就走，冇俾錢(咁當然有人幫佢善後啦) ，之後竟然就同學民召集人黃之鋒相遇!
黃之鋒話晒之前都有喺fb like過齊昕嗰張老麥應徵表格，昨日見到真人，黃之鋒第一個反應就係……叫朋友攞佢本新書嘅宣傳卡板，問齊昕:「齊昕你唔可以同我合照，同我簽名呀？」梁齊昕係冇理佢嘅。
之後黃之鋒再打圓場話:「其實我真係好想同你合照，同埋我好想將我呢張卡送俾你嘅……」最後，都係食咗檸檬。