國企為撐阿爺救市，出晒口術話要增持、回購後，都要用行動表心意先得嘅。
交通銀行（3328）董事長牛錫明上星期五率先以平均價7.45元，買入3,000股交行H股；本周一又以平均價7.35元，增持3,000股；兩次買貨，夾埋用咗4.44萬蚊咁大把。雖然轉頭賬面蝕咗3%至4%，但呢吓象徵式出手可以畀中央睇到，先最緊要。
董事長一牽頭，職工監事陳青上周五拎1.48萬蚊，買入2,000股，交行副行長于亞利本周一亦用3.65萬蚊，買入5,000股。三個人合共買貨資金十萬蚊有找，只需要9.57萬元。
按交行年報，牛錫明舊年人工連福利有近106萬元人仔，于亞利同陳青分別有近93萬元人仔同70萬元人仔，拎住幾萬銀撐自己公司，有冇誠意，見仁見智喇。