【本報訊】鉛水恐慌蔓延至多條公共屋邨。葵聯邨二期日前驗出食水含鉛量超標，有居民昨接獲衞生署通知，可安排其一歲半幼子驗血，但長女剛過了六歲則不合資格，怒轟當局「算死草」，做法不合理，「我舊年8月份開始飲你哋有問題嘅水，嗰陣時佢（女兒）未超過6歲，點解可以咁？」
長女「超齡」不合資格
葵聯邨聯悅樓住戶蔡太昨引述衞生署指， 因六歲以下兒童身體較易吸收鉛，故規定2009年7月1日或之前出生的兒童才獲安排驗血。她去年8月搬進聯悅樓，當時長女五歲零五個月，「係咪應該入伙嗰一日開始，所有低於六歲嘅小朋友都有資格驗？唔可以話等你發現咗問題先話六歲以下，嗰陣時佢（女兒）都屬於高危人士」。
蔡太決定自費800元替女兒驗血，批評政府監管不力，「食水對人嚟講係最基本，政府驗樓時，食水一定要安全，唔通冧嘅樓都照收咩？唔好去怪啲承建商，政府真係好大責任」。
另一邊廂，鉛水「發源地」啟晴邨居民仍繼續「撲水」，7個供水點不時有巿民取水，附近餐廳均貼出告示，表明沒有用鉛水，商場內的店舖出售聲稱可以過濾鉛的濾水器，有大型濾水器的銷售員也企圖發「鉛水財」，向邨民派傳單，但邨民反應冷淡。
正放暑假的陳小姐是家中的「入水大使」，她促當局要長遠解決喉管問題，「唔係你到時又整，咪整幾次？」她指現時每天要入滿家中大桶才可「收工」，只供飲用，沖涼照用鉛水，她直言感到好嬲，「梗係嬲啦，食咗2年喇喎，好彩屋企冇小朋友，替嗰啲有小朋友嘅家庭慘」。
昨日兩度取水的滿晴樓住客黃伯除擔心鉛水，更怕有退伍軍人菌，「如果啲菌唔係咁勁，我唔使咁」。與丈夫均年邁的林婆婆，昨早取了三轉水，上樓前特意在街喉抹身，因擔心退伍軍人症，前晚開始轉用街喉水洗澡，「政府就衰啦，判畀大陸人做，做得唔好搞到香港人又冇嘢做」。
■記者王家文、張嘉雯