讀書不是求分數！傳聞組合E-kids三位成員當年會考加埋得5分，仍在娛圈掙扎求存的成員、樂壇小強阮民安（Tommy），昨在旺角街頭rap歌《Ekids會考五分之謎》鼓勵學生，歌詞：「好命嘅話你條命仲有七十幾年，所以根本冇人有資格睇你唔起，踩得死你」認真貼切。
Tommy親自打破E-kids合共考得5分的傳聞，他說：「不如我澄清，我哋三個得一分，嗰一分都係細佬攞嘅，冇記錯係數學，另外嗰兩位，我印象中佢哋冇參與呢個遊戲。網上話子華神都係得14分，今日佢智慧幾犀利，所以考得唔好唔係世界末日。」有甚麼鼓勵考生？他說：「一定要相信自己，好似我咁努力，打不死的小強。」覺得自己最大成就是甚麼？他大笑說：「最大成就到𠵱家都冇乜，但有一個堅持嘅心，係自己引以為傲地方。」
採訪：比華利
攝影：陳俊強