英國網球手梅禮早前喺溫網次圈淘汰夏斯後，好激動咁將條浸滿汗水嘅護腕掟上觀眾席，咁啱落喺英國皇儲查理斯位夫人卡米拉手上；當時見卡米拉個樣唔多like，好彩佢冇掉咗條護腕，仲擺上拍賣網bid，將全數收益捐畀著名「狗癡」、梅禮指定嘅皇家獸醫學院照顧動物基金，最終以2,100鎊（約25,000港元）成交。
另外，梅禮話自己要盡快收拾心情，因為禮拜五又要代表英國喺台維斯盃八強惡鬥法國啦。
