創作不少動畫諷刺時弊的DDED，在短片、模型、閃卡及新書背後，全靠一個2人團隊──80後的梁嗣仁（Albert）及其拍檔Eric，Albert負責設計，Eric則不時提供新點子。為經營DDED，Albert甚至辭去工作，專注出任DDED創作總監，自言為創作不顧一切，只因抱有一股傻勁。
記者：周詠雯 攝影：陳海威
「DDED」這4個字看來無甚關係，但其實「X！Design e d？」（X！設計呢啲？）才是DDED的真正意義，「都係一個自嘲啦，我做埋呢啲嘢，實畀人X㗎喇，所以我自嘲咗先」，再形容自己以一股傻勁走到今天。
問及Albert屬於廢青、憤青、高登仔還是花生友，未發佈作品先以DDED來自嘲的他直言「份人有好多面，全部嘢我都可以包含曬喺裏面」，視乎情況、心情及環境變成不同角色。「有時我可以好廢，乜都唔想理；有時又真係花生友，齋睇唔出聲；有時就好憤青咁，好想整條片發洩吓」。
DDED不少作品都包含粗口，他認為創作不用太多顧忌，將粗口加入動畫「可以做返啲貼近正常人做嘅嘢，正常人講粗口係好正常嘅事」，坦言有些事只可用粗口，才能表達其神髓。
Albert又指，自己一直喜愛次文化，「咩惡搞呀，二次創作呀」，網上世界正好讓他一展所長。自言「一直都好想有自己嘢（作品）」、任廣告設計的他，最初創作數秒的動畫試水溫，「其實都係為咗自high（自我陶醉），再順便開埋個page（facebook專頁）」。最初因諷刺TVB節目而「下海」創作，Albert往後更決定辭職，全力發展DDED，自言做創作「夠食就得，無諗住發達」。
作為創作人，他對TVB一台獨大特別不忿，認為不少香港人受其薰陶長大，「無人逃離得過TVB法網」。他認為TVB身為「大台」，應以其豐富資源，製作多些高質素及富創意的節目，讓一眾創作者有機會發揮之餘，亦可從中汲取經驗，日後也可轉投電影等界別發展，壯大創意工業。
但Albert認為，現時免費電視台欠缺競爭，憂慮行業前景不理想，「以前啲電影同電視劇好睇啲，而家（電視台）無咗動力去做啲好嘅節目同高質素嘅創作」，扼殺不少有心做創作的人，坦言「咁樣行落去，對成個創作界都好大影響」。