香港嘅中福教會牧師鄔小鶴上月被內地宗教事務局官員約談，於7月1日即人大通過國安法當日赴約並簽署一份「宗教事務行政執法責令改正通知書」，同意除非獲內地當局批准，否則唔會喺本港網站發佈消息，招募內地在港學生參與在港舉辦嘅宗教培訓活動。
聖公會秘書長管浩鳴噚晚特別就此去咗中聯辦了解，八方問佢，佢話若完全不涉在內地進行「踩界」工作，鄔小鶴受此對待係非常令人擔心，佢引述中聯辦官員話會向福田宗教局了解情況，但對方澄清在港嘅宗教活動不受影響，如「內地自由行主動嚟參與崇拜，就唔會有問題」。佢話聽聞鄔喺內地有常設機構，或者會喺唔小心嘅情況下踩界，但係對方多番強調唔清楚詳情，佢相信鄔嘅案件只係個別事件。