A股大跌後，內地唔少人反思股災成因。官媒就傾向將元凶歸咎於惡意造空者，《證券日報》副總編輯董少鵬昨日發表文章指，有四支惡意造空中國股市力量，在同一時間段合流，搞出咗大跌市，文章仲將其一一扣上各種罪名帽子。
該四大空軍包括：長期做空中國的境外機構、非法做空的境內投機力量、沒有認真研究國家政策就賣股的投資機構，以及裏應外合的造空者。佢哋罪名包括：負面解讀所有中央政策、否定中國特色社會主義、一律以美國標準來定是非等。喺中國夠膽沽空，就係唔畀面阿爺，居心叵測！
曾在香港求學，被譽為中國創業板之父的成思危上周日病逝，他在5月發表的最後一篇文章，似乎就預見今日一幕。文章告誡，以陰謀論看待國際金融，一定大錯特錯！
黃尹華