【本報訊】立法會議員陳志全（圖）5月底在地鐵上被兩名婦人辱罵，惹起全城公憤，但繼港鐵和平機會後，政制及內地事務局亦拒絕受理陳的投訴。該局回覆陳的信件指，由於陳沒有提供被投訴者的聯絡方法，故不會作出跟進；陳志全對該局的回應感驚訝，「咁唔通我要搵私家偵探去查埋個地址出嚟畀佢跟咩？」
人稱「慢必」的陳志全批評政制及內地事務局處理投訴的程序不透明，「本身我都唔敢抱好大期望，因為始終無法理基礎（沒有性傾向歧視條例），但無諗到佢會話我提供唔到被投訴人嘅資料，咁唔通我要搵私家偵探去查埋個地址出嚟畀佢跟咩？」
他指平機會礙於法例所限無法跟進，「但如果佢覺得成到案，會盡力去搵個人出嚟，唔會好似局咁，想就咁close咗file，無諗過呢個機制咁廢。」他重申，惟有盡快就性傾向歧視條例立法，類似的情況才可以減少。
陳於5月31日被兩名婦人在港鐵內罵「冇X嘅男人真係醜呀」、「趴低個籮俾人Fxxk啦」，引起全城迴響，影片於YouTube累積60萬點擊。
■記者張嘉雯