支持雨傘運動的何韻詩，約滿寰亞後轉做獨立歌手，將於下月自資假灣仔伊館舉行4場演唱會，九成門票昨公開發售，在沒有大財團只靠觀眾力撐下，約下午4時已一票難求，阿詩在fb留言：「原來，不靠攏別人，不買賬老實做，是行得通的。」
阿詩昨接受記者電話訪問時感謝歌迷說：「有咁好反應好多謝大家，今次演出希望唔止歌迷睇到，因為入面內容想講香港，唔係講自己嘅嘢，呢個騷對我都緊要。」為配合18種香港主題，日前阿詩在太古坊街頭擺設「蠱惑的箱」，箱上寫着：「有能力的給一些，有需要的拿一些」她解釋：「蠱惑的箱上面寫嘅嘢其實好基本，但𠵱家社會唔會咁，點解𠵱家信人係咁難？唔係想要好多人放錢入去，目的係希望大家諗吓，如果有能力會唔會攞出嚟。」
採訪：皓騫