【本報訊】今屆立法會有16位功能組別議員自動當選，被嘲為「零票當選」，自動當選的保險界議員陳健波昨指將他們說成「零票當選」是「離晒譜」，辯指議員自動當選因為做得好，沒有人挑戰，故應是「全票當選」，更指直選議員搞亂香港；社民連梁國雄不滿陳的謬論，籲對方參與直選，將他趕出議會。
記者：姚國雄
立法會昨討論《2015年選舉法例（雜項修訂）條例草案》，原只涉及技術修訂，包括將建築、測量及都市規劃界功能組別改名為建築、測量、都市規劃及園境界，但辯論卻變成討論功能組別存廢。
長毛：嚟直選淘汰我
陳健波發言時形容部份功能組別議員自動當選是「全票當選」，市民被誤導才「亂噏」他們零票當選：「點解佢哋自動當選？因為業界覺得佢哋做得好，冇人挑戰佢，所以唔係零票當選，而係全票當選……香港可以零票當選㗎咩？」
他聲稱出席率最高、最早到場開會、抵抗拉布等全是功能組別議員，指功能組別為立法會「提供大量正能量」，並推動經濟發展，增加年輕人上流機會，貢獻比直選議員多，卻被有系統地抹黑：「香港有30多位直選議員已經搞到香港咁亂，如果70位議員都係功能組別（應為直選議員），大家一齊搞嘢，香港會變成點呢？」繼而又指直選制度雖好，「但選出一啲冇用嘅人、呃飯食嘅議員，做咗十幾年都係靠反對，對個社會有乜好處？」
陳的言論激起泛民議員不滿，社民連梁國雄直指「頂唔住」，反駁稱：「我以為我喺百幾年前聽英國上議院講說話，我真係未聽過咁嘅論調，如果你認為直選議員呃飯食，你咪走去直選，淘汰佢囉，你過來淘汰我咪得囉。」條例終獲三讀通過。