「前兩天我才聽到一個師奶說『教壞細路囉』。」
梁振英繼五歲小孩後，轉打小孩阿媽「師奶」的主意。這個師奶，唔知有冇響應政府，生夠五個！全城大媽心思思估估吓，到底係邊位。
林鄭師奶反住白眼戚起雙眉，丟底掃把幽幽說：「不是我啦。我被調去掃街執垃圾，決心做細路好榜樣。下一個job，我想做青年思想工作，勸他們睇多場戲，買少間樓，咪咁易自殺！」
葉劉師奶一聽見師奶的稱呼就抹眼淚：「我真的很想投歷史性的贊成票，我只是一個比普通師奶叻少少的師奶，好多師奶撐我，要我代表她們投票，結果呢，等埋發叔，教壞細路！」
姓蔣的師奶佔領過郵輪但從未飲過鉛水，裝模作樣說：「冇理由咁湊巧，肯定有人大整蠱，在安裝時出術，陷害我們的區議會代表。飲鉛水又點喎，鉛水都係東江水喎，要識得感恩好喎。」
其他師奶像飯焦、犯槌，在習一握之後摸住形勢過河，擔屎唔敢偷食，拒絕回應。一輪數據分析後，疑似梁凸口中的師奶者，九成係禮賓府的龍蝦！