【本報訊】天氣炎熱，不少人外出會穿短褲，女生也會穿熱褲或迷你裙，但職訓局副執行幹事梁任城指出，在出席自資院校的入學面試時，穿拖鞋、短打是禁忌。
梁任城表示，不要以為在大專院校見到不少學生穿得較為隨便，面試時也可這樣穿，「佢哋着拖鞋、短褲、熱褲，但大家喺面試時就唔好喇，亦都係基本禮貌」。
老師不介意貓紙
梁任城認為，學生只要穿着得體便可，尤其是報讀工商管理、酒店旅遊或幼兒教育課程，可穿恤衫或有領T恤出席面試，毋須穿西裝打呔，「男女同學都唔建議着太暴露，亦切勿誇張，着到好似去飲宴咁樣係唔需要」。
部份宅男宅女或怯於與人對談，梁教路，學生若擔心面試表現不佳，「可客客氣氣同老師講，我表達能力係慢啲，希望可以同你哋分享吓讀書興趣。我相信我哋面試都唔會介意有『貓紙』，拎張紙仔出嚟話我興趣點點點，呢個係可以接受」。
■記者倪清江