爆料指滙豐控股（005）瑞士私人銀行涉嫌幫客人逃稅嘅Herve Falciani，巴塞隆拿市長竟然話想邀請佢加入智庫組織！
Falciani曾經係滙豐瑞士私銀嘅電腦工程師，拎咗個富豪名單之後揚開去，結果滙豐2008年之後就一身蟻，今年初件事再俾國際調查記者聯盟（ICIJ）發酵，差唔多成10個國家對佢哋又展開調查。
滙控行政總裁歐智華早前暗示Falciani係賊，想拎住啲資料去賣；但Falciani就覺得自己係本住良心做事，強盜同俠盜只係一線之差。
不過，據西班牙媒體報道，巴塞隆拿市長就幾鍾意佢，成立一個關於公民資訊智庫時，想邀請埋佢，市長就未有回應件事係咪屬實。其實喺2014年時，阿根廷政府就邀請過佢幫手，協助調查洗錢。