最近有市民報料話路過海怡東，發現公民黨立法會議員陳家洛喺區內「冇面見人」。到底家洛為乜冇晒face？有當區人士估計，同最近有傳家洛會喺年底區議會選舉，代替上屆喺海怡東出選但敗北嘅黨友郭榮鏗披甲上陣有關，唔知係咪有人唔想畀家洛喺嗰度現身。
八方問過家洛係咪會喺海怡東處男下海戰區選？家洛話會積極考慮㗎，佢強調一直喺海怡東有辦事處，亦就唔少議題開過居民大會，最近就發起聯署要求Prada遷離海怡半島社區，以免個特賣場影響當地居民生活，以求「社區為先、居民為本」。佢唔評論點解區內嘅banner近期頻頻畀人𠝹走個頭（圖），只會盡力做好本份，相信市民眼睛係雪亮。
八方相信家洛如果真係去選，擔心畀同陣營盟友𠝹票多過畀敵對陣營𠝹頭咯。