耀才證券（1428）今年食住港股大時代個勢，股價係咁炒高，但中港兩地爆股災，唔使兩個禮拜，股價幾乎打回原形。不過耀才「三巨頭」主席葉茂林、行政總裁陳啟峰，和執行董事郭思治，眼光幾精準，上周齊齊低位撈貨賺咗一筆。
上星期三恒指一度跌成2000點，嚇到股民手都震埋，而耀才單日試過最多跌39%。點知葉、陳、郭三人冇有怕照增持，葉茂林以平均價2.135元，使咗1,748萬元，掃咗818.8萬股。至於，陳啟峰同郭思治都分別買咗20萬股，當中以郭Sir入個位最靚，平均價係1.975元，同當日最低位1.7元，只係相差12%。
以耀才上周五收報3.12元計，佢哋三個短短兩日已經賺逾50%，都咪話唔和味。