【本報訊】今次交通意外的大窩東支路，有街坊表示經常有騎單車人士沒依交通指示過馬路，罔顧安全疾馳而過，由於車輛從火車橋底右轉可能有盲點，司機未必能及時閃避，極易釀成意外。
街坊簡先生表示，現場因有單車徑，每小時約有40部單車駛經，不時見有單車駛出沒落車而直衝而過，遇上車輛駛至險象環生，他說：「呢度雖然唔係好多車出入，但係從橋底駛出嚟未必睇得清楚，所以好危險。」
另一位街坊黃先生平日亦會以單車代步，但每次途經上址都會落車看清楚，「自身安全好緊要，停一停又唔會用好多時間，如果有事仲麻煩」。
而街坊崔伯則表示，以前亦曾貪方便踩單車過馬路，得聞今次意外會提高警惕，避免重蹈覆轍。
■記者黎家駒