人氣爆晒燈嘅Minions《迷你兵團》，今個暑假入侵香港，估唔到仲殺入埋立法會大樓，喺新民黨田北辰嘅office肆虐。原來上周五係二少立法會office一位intern同學仔嘅last day，佢親手畫咗張卡送畀二少同其他職員致謝，而個公仔就係hit爆嘅迷你兵團，成班同事即時起哄要二少扮Minions，試問二少豈能逆民意？結果佢乖乖就範，仲反問如果開拍真人版，唔知佢有冇份？扮嘢之餘，二少仲同同學仔講句"poopaye and Tank yu"，原來係Minions專用語言，意即bye bye and thank you，祝呢位實習同學前程似錦。