由新世界（017）第三代接班人、副主席鄭志剛（Adrian）創立的藝術商場品牌K11，成功打響名堂，如香港K11營運超過五年，目前已經係集團租金收入第二高的物業。上海K11舊年搞咗印象派大師莫奈的展覽，人流逼爆商場。上海K11於今年11月5日至明年2月，舉行西班牙超現實主義大師達利（Salvador Dalí）的展覽，對藝術感興趣的朋友，又或者咁啱工作路經上海，可以去感受一下達利近乎瘋狂的想像力。
雖然主辦單位仲未公佈今次展出達利作品的名單，不過據聞今次展覽係同西班牙達利基金會聯合主辦，會展出200多件重量級作品，包括國寶級畫作、設計，以及達利的私人用品。展覽唔只講達利，仲會講下中國超現實主義藝術家的發展脈絡，相信又會掀起一輪熱潮。