1，邊個跟你和理非非！一於用暴力！托起個市！
2，邊個沽貨，邊個就是漢奸賣國賊，唔使睇WhatsApp，一定捉到鬼！
3，阿邊個成日自稱愛國愛港，家吓仲唔乖乖成副身家入市撐中央，係咪又想等埋發叔，側側膊離場！
4，唔使揣測，解放軍實彈開炮，是震懾香港的金融大鱷，所有財經演員，睇餸食飯，否則，食炮啦。
5，831方案被否決，人人都是輸家。唉，誠哥，泛民28票有能力推跌A股的話，阿爺老早就仆街啦。87枚催淚彈之後，香港早就革命啦。
6，習總世紀一握，對白九成翻譯為廣東話，是這樣的：阿華，你本事過劉華，撐番起個市，靠晒你。隻狼衰過廢墩避雨亭，搬硬去堆填區，唔使睬佢。
7，西環密傳短訊，叫梁振英考慮一下，率先盡捐五千萬救市，以示忠誠。這是博連任的最低門檻，出閘跑馬仔喎，你估玩荔園瀡滑梯。