揀宅設計：擴空間放珍藏

一家三口各有所愛，爸爸擁有大量Iron Man手辦公仔，媽媽搜購大批香薰瓶，囡囡喜歡搜集海灘貝殼，要在有限的空間內展示家庭成員的收藏品，最有效是拆牆擴空兼且將間隔大變身，增加放置飾櫃的空間，步步有驚喜。

記者：溫潤潔

攝影：黃文邦

單位間隔牆拆得就拆，與客飯廳為鄰的廚房要拆，套房毗連的細房都要拆，這樣拆得徹底，就能盡用周邊牆壁造飾櫃，為珍藏覓得容身處。然而，要陳設得美觀吸引，事前工夫不少，首先為這些精品度身，大小歸類安放不同位置，望落整齊，睇得順眼。

大廳多個角落均設置飾櫃擺放家庭成員的珍藏。

吧枱代替餐枱慳位

飾櫃特別配置玻璃面、鏡底、轉換七彩顏色及閃閃發亮的燈光效果，璀璨生輝，零舍醒神。
廚房拆牆改開放式，以吧枱用膳，比起餐枱慳位，所餘地方多，走動通道夠闊落，戶主可以趁機換個Grand Piano。
為配合鋼琴，兩旁飾櫃有搞作，一組底部鑲數組清鏡直條，令人聯想起琴鍵，另一組點綴黑色橫線，呼應黑色鋼琴。
套房二合一，分別劃分寢區及工作間，以地台及貯物櫃填滿，想開揚一點，套廁拆牆換通透玻璃屏替代，入口側旁偷位造薄櫃放貝殼，設置玻璃趟門，亦當作廁門用途，一舉兩得。
另外，床頭有橫樑突出，貼上一幅日出花花題材的牆紙，成功將焦點轉移，床尾一壁不掛電視，貼日落沙灘題材的牆紙，構圖美麗富色彩，增添浪漫氣氛。