免費網絡頻道「A記」開台，不少前亞視藝人都鼎力支持，而在記者會召開前，有傳A記得罪亞視，所以部份亞視合約藝人蔡國威、袁潔儀和楊正軍要「被消失」不准現身，連美魔女羅霖都臨時缺席記者會。
袁潔儀昨日接受電話訪問時透露身在內地，問為何不去A記開台記招？她說：「𠵱家我唔得閒，自己有事。」問是否A記激嬲亞視，所以唔畀去？她說：「咁又唔係嘅，總之PR公司搞到咁，都冇辦法，佢（秦啟維）知我心入面撐佢，佢都叫我唔好去，我哋心照，識咗幾廿年。」而蔡國威表示之前答應秦壠維會撐場，不過臨時要帶愛犬去看醫生，所以未能出席。他又認為秦壠維不會得罪亞視，相信是一個誤會。羅霖則透露因要趕及未完成的工作，所以未能出席，而她答應會捐出10本寫真集給網台送給網友。
採訪：非非