創新及科技局仲未成立，但係創新科技署署長王榮珍（圖）已經等唔到，8月正式退休，由保險業監理專員蔡淑嫻頂上，而駐台灣經濟貿易文化辦事處嘅主任梁志仁，就會回歸香港做保險業監理專員。有立會議員話，佢同王、蔡都交過手。王榮珍同佢丈夫、公務員事務局常任秘書長黃鴻超都係今年提早退休，佢兩個都係港英年代培養嘅公務員精英，「佢哋未必係光芒萬丈政治人物，但做事一定係企理、謹慎，有政務官嘅傳統智慧，𠵱家官場已買少見少」；至於蔡，該立法會議員話佢係公道同有能力嘅人。