從荒村、舊校以至無人片場，廢墟攝影師Sing Chan獨愛當中的寧靜，遊走在城市中鮮為人知角落，用鏡頭發掘無用之用。活於所謂土地供應匱乏年代，阿Sing不缺廢墟題材，全因閒置設施多不勝數，「土地係有嘅，但問題係冇善用到」。
以阿Sing所認知，廢墟多在新界，「一來偏遠，二來發展價值低」，但他亦拍下不少市區廢墟，「有啲係私人樓等重建，有啲土地就同政府有關」。他說市區有不少舊政府宿舍或辦事處，往往閒置幾年甚至數十年，「點解政府話冇土地，但市區甚至一啲旺區，會有一啲土地空置咗咁多年冇人理嘅呢？」
訪舊唐樓發現史料
要尋找大隱隱於市的廢墟，阿Sing除上網尋找，也會從報章中尋找線索，「有時報紙會講政府改土地用途，又或者係有計劃重建，呢啲都會話你知邊度有」。廢墟攝影有潛規則。阿Sing表示，因早幾年有自私攝友在廢墟倒水甚至放火，只為製造獨特的影像效果，因此同好間均有默契，不公開廢墟地點，「如果係透過自己努力去搵嘅，相信都唔會去破壞」。每到一個新地方，他都會盡量保存進入時的原貌。
但凡事總有例外，阿Sing早前曾到訪即將重建的舊唐樓，在其中一個單位中意外發意一批書信及相片，「原來個前業主同親戚都係國民黨軍官，打過好多仗，更加有人參加過諾曼第戰役」。他與同行者認為這些資料大有價值，於是聯絡專家整理及保存，「否則幾個月後就會送去堆填區」。
荒村保留舊農面貌
探索廢墟多次，阿Sing曾遇到驚險場面，「試過入到間屋，聽到有蜜蜂聲，再睇吓原來有個人頭咁大嘅蜜蜂竇」，亦曾與野豬狹道相逢，「只要你唔理佢，佢都冇興趣理你」。他稱每到新地方時也要小心，如建築物有無倒塌危機，木樓梯有無腐爛等，最好是與伴同行，互相照應。
拍攝廢墟近4年，阿Sing在社交網站上開設群組「荒凝止息」與網友分享照片。他稱不少地方均有保育價值，如訪問當日到訪的荒村，「呢度保留咗以前農村生活狀態，可能保育吓做導賞團，可以畀𠵱家年輕人知道以前香港嘅生活面貌」。他與長春社合作舉辦相展，展出他鏡頭下的香港及外地廢墟，希望市民可關注保育問題。
■記者佘錦洪
