隔牆有耳:陳恒鑌8號波戴頭盔 - 李八方

隔牆有耳:
陳恒鑌8號波戴頭盔 - 李八方

前日「蓮花」襲港,點知呢個本年度首次8號風球唔單止冇乜風,連雨都唔多滴。雖然係咁,民建聯陳恒鑌都好落力,落區提醒市民小心颱風,不過佢好煞有介事咁,戴住頂安全帽落區,事後連佢自己都覺得有小小問題,怕俾人笑自己又要威、又要戴頭盔。
話說陳恒鑌因為知道荃灣區唔少舊樓住戶,都鍾意放啲盆栽喺晾衫架上面,一打起風,呢啲花盆就變得相當危險,所以佢同八方講,就算掛8號風球,佢都要冒住「生命危險」落區,嗌咪提醒啲市民收番埋啲盆栽。而為咗安全起見,佢就戴住頂安全帽喺街上走來走去。點知蓮花冇風又冇雨,連打風都係「和理非非」,事後連陳恒鑌自己都自嘲,今次「戴晒頭盔」實俾人笑囉!