冠軍人馬獎的重頭戲，2014至15年度「香港馬王」獎項，由約翰摩亞馬房的黑衣巨人「步步友」奪得，此駒雖然在上月16日在英國女皇安妮錦標大敗，但無礙一眾評審對牠的寵愛，結果仍獲選為香港馬王，馬主是李福鋆醫生。
「步步友」今季在港六勝級際賽，幾乎次次不鞭兼毋須推騎，已可行過對手，早被認定穩奪馬王，但女皇安妮錦標一役傷透馬迷心，加上「友瑩格」成為香港賽馬史上，首匹一季於三地勝出一級賽的香港賽駒，一度令馬王有變數，不過「步步友」嘅質素始終公認最高，今季單季獎金3,720萬元，亦打破前馬王「爪皇凌雨」06/07年度3,499萬元舊紀錄，最終仍膺香港馬王。
大摩說：「『步步友』今季在港連贏六場，姿態均很輕鬆，毫無疑問是全球至強勁一哩馬，最犀利是末段瞬間展示的加速力，充滿魅力，星味十足，做三料馬王可算實至名歸，我期望牠下季初衛冕香港一哩錦標。」
5歲澳洲閹馬「步步友」另外獲選「最受歡迎馬匹」及「最佳一哩馬」獎項，成為三料馬王，馬兒來港後共17戰，獲11冠3亞1季，累積獎金$52,393,624元。
李醫生話自己好似發咗場夢，多謝評審、騎練及馬迷的支持。但「步步友」今季跑得太多，一定要好好休息，而此駒跑完女皇安妮錦標，本月11日周六晚先會返回香港。