樂隊RubberBand昨日到商台宣傳今年的首支派台歌《我是樂隊》，這是他們首支國語歌，更邀得6號的偶像周耀輝填詞，他說：「我覺得佢好似詩人，我同太太都係佢fans。07年嗰陣翻唱《認錯》，今次係我哋自己嘅國語歌，嚟緊隻碟仲有英文歌，因為上次音樂會唱過英文歌，有外國朋友覺得我唱得唔錯，所以試吓。」泥鯭透露新碟有兩文三語，不想RubberBand再局限只唱廣東歌。
下月RubberBand將與樂隊Mr.參與夏日流行音樂節，他們表示已有5、6年未有同台演出，泥鯭謂：「上次我哋一隊藍衫、一隊紅衫，今次我哋要求Mr.係透明啦。」
採訪、攝影：盧妹