正所謂偷食行遠啲，可能因為咁樣，令到唔少港人鍾意外遊期間「出軌」。偷情網站AshleyMadison.com最近向10萬6千幾名會員調查，發現48.4%嘅男性同32.1%嘅女性會員會喺外遊時出軌。究竟邊啲國家係偷食熱點？男女口味大不同。
AshleyMadison.com網站話喎，日本係港男嘅熱門出軌地點，達21.8%，中國則以17.3%排第2。排第3嘅美國有12.6%，第4同5位則係台灣同新加坡。反觀女性呢，日本同中國五甲不入，台灣以22.9%居首，美國以16.3%排第2。英國、法國、同新加坡則分別係13.4%、7.3%、6.7%。
AshleyMadison.com網站創始人兼CEO Noel Biderman話喎，「當你離家幾千里外旅遊時，沒有甚麼比來個異國情緣更好消磨時間」，佢仲話行政人員同商人經常要出差做嘢，喺異地偷食，就唔使擔心被捉到啦。