阿爺暴力救市，一直睇開香港股市嘅人，唔多唔少都有少少睇唔慣。阿爺一籃子又一籃子招數倒出嚟，個市都係睬佢都有味，旁觀者都不禁搖頭嘆息。
今次阿爺救市，成效係點而家仲係未知之數，當然筆者並不否認，阿爺咁強嘅救市決心之下，「穩定股市」這個結果最終都會出現，只係所需代價之大，可能並非短期可以重建。
回想起今次股災之前，阿爺對資本市場的政策同態度，係想將佢推向國際化，滬港通、深港通，私募基金買港股，兩地基金互認，A股入MSCI等。今次阿爺出盡力干預市場運作，將股市下跌原因怪罪於外資，唔好話一直對A股市場有保留嘅外資，就連在1997年後，一直被祖國文化衝擊咗18年嘅香港，唔少本土投資者都俾佢常變嘅「規矩」嚇親。
今次內地股市即使急跌，但跌幅未到股災地步，阿爺急於出手嘅原因何在？一切由《人民日報》變成投資者必讀的大行報告開始，還記得《4000點才是牛市的開端》嗎？咦！呢個升市不就是阿爺搞出來嗎？阿爺要搞番掂佢，其實就係要「負責任」！
流氓