前港姐譚小環任職保險公司高層的老公蔡強榮（Eric），早前被影到約女在圓方撐枱腳，Eric否認偷食後，小環亦出言撐老公。昨日就有周刊爆料指小環掌管家中財政大權，夫婦現居巿值3千萬的半山壹號豪宅，亦是小環與家人持有，故Eric難於作反。
5萬租金抵玩
另外，報道指小環見銅鑼灣的魚蛋檔生意漸上軌道，計劃在尖沙嘴開分店，新舖租金高達20萬。不過，據地產經紀界消息指，其實小環兩公婆，看中鰂魚涌太古坊一間面積約三、四百呎的商舖，租金只約5萬，比傳聞中的尖沙嘴舖平很多。
記者昨致電小環求證，她笑話：「咁快收到風嘅！最初真係想喺九龍開分店，等食客唔使專登過海，但𠵱家少咗自由行，尖沙嘴開舖成本好高，條數要計得好清。」她又承認有看鰂魚涌太古坊的店，貪那裏多白領。小環又說：「可唔可以開得成，關鍵要睇吓同業主傾唔傾得成，好多嘢係天時地利人和，冇得急。」
雖然老公之前被指偷食長髮女，但小環對老公Eric仍然是百分百信任：「佢𠵱家可以約嘅異性得我同我媽咪，Eric變咗絕緣體，其實我認為夫妻間要講信任，唔係成世流流長點過，大家都可以有正常社交，不過，老公話怕咗啲狗仔隊。」
採訪：陳杰
