【本報訊】中學文憑試（Diploma of Secondary Education Examination，DSE）下周三放榜，21歲應屆考生阿緣正為升學前路躊躇，同時為3歲兒子入讀幼稚園籌謀。她曾因未婚懷孕被迫停學，卻也為了兒子而重新振作。年輕單親媽媽要兼顧學業、湊仔和打工，痛哭和倦怠的時刻，總有兒子在旁打氣。放榜不是終結，她希望將來與兒子一同成長和學習，「可以學多啲嘢，將來教個仔」。
記者：梁銘恩 白琳
阿緣17歲意外懷孕，「嗰時好壞，成績差，幾乎考全班包尾」，當初想過墮胎，「（懷孕）3、4個月嗰時感覺到BB踢我，所以唔捨得」。停學一年期間，她依賴男友維持生活開支，分手後才發覺憑其中五學歷難尋找穩定工作。為供養兒子，她在社工協助下重返校園，開展在學媽媽生涯。
自此阿緣每天清早5時起床，為兒子煮早餐，「又要執好晒佢啲嘢，拎住好多嘢去返學，基本上係每日都唔夠瞓」，出門送兒子給保母託管，她才趕回學校上課。有時晚上還要做兼職售貨員賺外快，只能利用小息和午飯時段做功課和溫習，「初初都會驚同學會唔會介意自己有小朋友，唔敢話俾人聽」。
兼顧兒學費 憂難進修
阿緣承受巨大壓力，孩子是她堅持下去的理由。兒子在媽媽崩潰落淚之時，送上一個擁抱。察覺到媽媽想偷懶，就及時提醒她「媽咪要溫書，做功課」，逗得她哭笑不得。阿緣逐漸適應新生活，與同學熟稔後還帶兒子參加學校活動。
苦讀成果下周揭盅，阿緣說並不緊張，以平常心面對。她已接獲明愛白英奇學校通知，取錄她修讀室內建築課程，但須視乎經濟狀況，才決定是否繼續進修，「始終個仔就嚟緊讀K1，睇吓負唔負擔到學費」。
阿緣與多位跨過逆境的應屆DSE考生，昨在apm商場分享放榜心情，為考生打氣。香港大學行為健康教研中心高級研究統籌溫浩然建議，應屆畢業生面對放榜時切忌與其他人比較和計較成績得失。他又提醒學生們放榜前一晚不要玩通宵，以免精神不佳無法作重要決定；亦要提早準備資料做最壞打算。應屆DSE考生明日至14日可到apm索取學友社的放榜指南，並派發內附飲品及食物的打氣包。