【二手情況】
昨日股市曾勁跌逾二千點，記者走訪多區，暫未見瘋狂劈價，綜合代理意見，業主叫價仍然企硬，僅小部份睇淡後市業主略為減價，惟減價後僅屬市價。
記者走訪近年深受內地客追捧的西九龍一帶代理舖，櫥窗未有劈價招紙，時值股市中午收市，代理不停致電客戶，查詢業主及準買家意向。有代理表示，雖然股市大跌，惟豪宅區業主實力雄厚，未見減價。沙田、大圍、將軍澳、天水圍等中小型屋苑林立的地區均未見劈價，只提高議價空間，天水圍居民張先生表示，按樓炒股屬個別例子，樓價應未跌。
新居屋累售1,502伙
新居屋連環撻定，房委會如常安排銷售，發言人表示，昨有120名申請人揀樓，最後售出42伙，累售1,502伙，銷售率69.5%，當中綠表1,041宗，白表461宗。其中大圍美盈苑提供216伙，昨沽1伙，累售215伙，有望成為首個沽清項目。對於居屋錄撻定，余先生昨日斥資約250萬元買入荃灣尚翠苑兩房單位，他表示：「睇自己需求囉，如果買來住，我覺得冇問題。」至於另一名居屋客溫先生直言：「我都唔明點解佢會撻定！」他目標首選撻定屋苑尚翠苑。
美聯布少明表示，由於股市產生的財富效應，對豪宅市道影響較明顯，若然股市持續下跌，下半年豪宅市道將轉弱，修定預期升幅約5%。另外，中原陳永傑指，最壞若影響至金融體系，屆時少不免波及樓價。
【市民睇法】
自住冇問題
荃灣尚翠苑買家余先生：「如果買樓係自住，我覺得冇問題。相反若果攞嚟炒，冇得賺錢，咁咪唔要間樓囉！呢排股市唔好，啲人係驚啲（縮沙），就係咁簡單。」
樓市未必跌
天水圍街坊張先生：「按樓炒股屬個別例子，樓市應該未跌，可能股市再跌，樓價先有反應。撐起樓市係非本地資金，若呢啲資金減少買樓，樓市升勢或放緩。」
