李克強搞暴力救市，而家搞到一鑊泡，中港股市齊齊冧。據聞，中央之前有諮詢香港政府1998年打大鱷經驗，但到而家都未知，邊個香港高官，畀咗中央啲山埃貼士。暴力救市最大問題，就係以為有大鱷喺期指造淡。所以中央主要策略，就係挾淡倉。限制沽空之餘，仲狂掃藍籌股，學足當年港府做法。
但其實，A股問題主要來自孖展失控，問題出於自身，同當年索羅斯等國際大鱷來香港造世界好唔同。中央唔改善自己問題，走去對付子虛烏有的所謂敵對勢力，結果大市越跌越多，證明根本搞錯晒。
話時話，當年港府打鱷三巨頭，而家全部失寵或出事，中央已冇可能搵佢哋。而家邊個同共產黨一樣都鍾意製造階級敵人？我覺得好大機會係佢畀山埃貼士，答案？呼之欲出啦。
黃尹華